سبهى به لێبڕینى 21% مووچهى وهزارهتى تهندروستى دابهشدهكرێت
دراوى 25 ههزارى دینارى عێراق | فۆتۆ: SNN
SNN – عهلى حهمهسهعید و بڕیار محهمهد
كهمێك لهمهوبهر وهزارهتى دارایی رایگهیاند سبهى به لێبڕینى 21% مووچهى وهزارهتى تهندروستى دابهشدهكرێت.
له راگهیهنراوێكدا كه ئهمڕۆ چوارشهممه بڵاویكردهوه وهزارهتى دارایی و ئابوورى حكومهتى ههرێم رایگهیاند: “سبهى پێنجشهممه مووچهى وهزارهتى تهندروستیی حكومهتى ههرێم به لێبڕینى 21% دابهشدهكرێت”.
پێشتر SNN لهسهر زارى سهرچاوهیهكهوه له وهزارهتى دارایی بڵاویكردهوه، “لە ئێستادا لیژنەی دارایی كە سەربە ئەنجوومەنی وەزیرانه و بڕیار لەسەر لێبڕینی مووچەی فەرمانبەران دەدات كۆبوونهوهى ئهنجامداوه، لیژنەكە لە نوێنەرانی یەكێتی و پارتی و گۆڕان پێكهاتووە، لە كۆبوونەوەكەدا تیمی یەكێتی لەو لیژنەیە پێشنیارییان كردووه، مووچەی سبەی بەبێ لێبڕین دابەش بكرێت، بەڵام تا ئێستا ئەوە یەكلانەبووەتەوە و تەنیا باس لە لێبڕینی 21%ی مووچە دەكرێت، هاوكات مووچەی پلەباڵاكانیش هاوشێوەی مانگی رابردوو بە لێبڕینی 50% دابەشدەكرێت”.
بهپێى زانیارییهكانى ئەو بەرپرسە باڵایەی وەزارەتی دارایی، “هەفتەی داهاتوودا مووچەی وەزارەتەكانی دیكە دابەشدەكرێت، چونكە هێشتا لیستی مووچەی زۆربەی وەزارەتەكان ئامادە نەكراوە”.
