حەشدی شەعبی”بوونمان لە شنگال بۆ کۆتایی هێنان نییە بە شەڕی نێوان پەکەکە و تورکیا”

0
1003

SNN

عەلی حسێنی وتەبێژی باڵی باکووری حەشدی شەعبی ئەمڕۆ یەکشەممە رایگەیاند: هەوڵێک هەیە بۆ راکێشانی هێزەکانی حەشی شەعبی بۆ شنگال بۆ بەشداریکردن لە شەڕی نێوان گەریلاکانی پەکەکە و سوپای تورکیا، بەڵام ئەو کارە ئەستەمە رووبدات.

حسێنی ئەوەشی روونکردەوە، راکێشانی هێزەکانی حەشی شەعبی بۆ نێو شەری نێوان گەریلاکانی پەکەکە و سوپای تورکیا کارێکی ئەستەمەو روونادات، لەگەڵ ئەوەشدا چەند یەکەیەکی حەشی شەعبی و سوپا و پۆلیسی فیدڕاڵی لە شنگال بوونی هەیە، وە بڵاوەپێکردنی چەکدارانی حەشدی شەعبی بۆ سنووردارکردنی جوڵەی داعشە لە پارێزگای نەینەوا و ئێمە بە فەرمانی فەرماندەی ئۆپراسیۆنەکان لە شنگالین.

ماوەی سێ رۆژ سوپای تورکیا ئۆپراسیۆنی چنگی هەڵۆی دووی لە چیای گارە دژ بە گەریلاکانی پەکەکە دەستپێکرد، دوای بوونی چەند کوژرا و بریندارێک لە ڕیزی سوپای تورکیا بەیانی ئەمڕۆ یەکشەممە خلوسی ئاکار وەزیری بەرگری تورکیا کۆتایی هاتنی ئۆپراسیۆنی چیای گارەی راگەیاند.

 

Share it:
Previous Next
Close
Test Caption
Test Description goes like this