دابەشکردنی سێ موچەی ليوا هاوبەشەکانی پێشمەرگە دواخراوە

SNN

سەرچاوەيەک لە وەزارەتی پێشمەرگە ڕايگەياند، “بەهۆی کیشەيەکی بانکی کاتی دابەشکردنی سێ موچەی ليوا هاوبەشەکانی وەزارەتی پێشمەرگە دواخراوە”.

بەپێی زانيارييەکانی SNN  کە لە سەرچاوەيەک لە وەزارەتی پێشمەرگە دەستیکەوتووە،” ئەمریکییەکان ئەو سێ مووچەیە دەدەن و پەشیمان نەبوونەتەوە، بەڵام بەهۆی کێشەیەکەوە لە هەژماری بانکی و گواستنەوەی پارەکە لە ئەمریکاوە بۆ هەرێمی کوردستان کاتی دابەشکردنەکەی دواخراوە”

ئەو بەرپرسە ئاماژەی بەوەشکردووە،” تا پارەکە لە ئەمریکاوە نەگاتە هەرێمی کوردستان بێگومان نایەتە نێو هەژماری بانکی وەزارەتی پێشمەرگەوە”دەشڵێت، “نە ئەمريکا و نە وەزارەتی پێشمەرگە لە بڕيارەکە پەشيمان نەبوونەتەوە”.

ڕۆژی 21ی شوبات وەزارەتی پێشمەرگە رايگەياند،” بۆ ئەم مانگە لیوا هاوبەشەکانی وەزارەتی پێشمەرگە سێ مووچە بە یەکەوە وەردەگرن و کێشەی مووچەی لیوای 12ی پیادەش چارەسەرکراوە و لە مانگی ئازارەوە بەبێ لێبڕین مووچەکانيان دابەشدەکرێت.”