بەڕێوەبەرایەتی بەنداوی دەربەندیخان گەشتیاران ئاگاداردەكاتەوە

SNN

بەڕیوەبەرایەتی بەنداوی دەربەندیخان  ئەو گەشتیارانە ئاگاداردەکاتەوە کە بەنیازن بەبۆنەی جەژنی نەورۆزەوە سەردانی ناوچەکە بکەن و دەشڵێت: “مەلەکردن لە نزیک بەنداوەکە رێگەپێدراو نییە”.

لە راگەیەندراوەکەدا هاتووە: “بەمەبەستی دووركەوتنەوە لە رووداوی هاتووچۆ و نەخوازراو، تكایە پابەندی ڕێنمایەكانی هاتووچۆبن”.

دەشڵێت: “وەستان لەسەر بەنداوەكە تەنها بۆ وێنەگرتن ڕێگەپێدراوە”. داواشیان لێدەکات پارێزگاری لەژینگەو پاك و خاوێنی ناوچەكە بكەن.

دەشڵێت: “تكایە بەمەبەستی وێنەگرتن مەڕۆنە شوێنەهەستیارەكانی بەنداوەكە چونكە هەموو ناوچەكە لەژێر چاودێری كامێرای بەردەوامدایە”.

ئاماژەش بەوەدەکات: مەلەكردن لەنزیك بەنداوەكە رێگەپێدراونیه .