کەسوکاری قوربانیانی رووداوەکەی بەغدا قەرەبوو دەکرێنەوە
SNN
لەدوای رووداوی ئاگرکەوتنەوە لە نەخۆشخانەیەکی تایبەت بە کۆرۆنا لە بەغدا، بە فەرمانی سەرۆکوەزیرانی عێراق کارەکانی وەزیری تەندروستی و بەڕێوەبەری گشتیی بەڕێوەبەرایەتیی تەندروستیی رەسافە هەڵپەسێردرا، کەسوکاری قوربانیانی رووداوکەش قەرەبوو دەکرێنەوە.
ئەنجومەنی وەزیرانی عێراق لەبارەی رووداوی ئاگرکەوتنەوە لە نەخۆشخانەی ئیبن خەتیب لە بەغدا کۆبوونەوە و بڕیاریاندا لیژنەیەک بۆ لێکۆڵینەوە لە رووداوەکە بە سەرۆکایەتیی وەزیری ناوخۆ پێکبێندرێت کە پێکهاتبێ لە وەزیری پلاندان، وەزیری داد، سەرۆکی دەستەی دەستپاکی و سەرۆکی دیوانی چاودێریی دارایی فیدراڵی.
لەلایەکی دیکەوە ئەو کەسانەی لە رووداوەکەدا گیانیان لەدەستدا بە “شەهید” لەقەڵەمدران و بڕی 10 ملیۆن دینار بۆ خانەوادەی هەر یەکەیان وەک قەرەبوو تەرخانکرا.
بەهۆی رووداوی ئاگرکەوتنەوە لە نەخۆشخانەی ئيبن خەتيب لە بەغدا 110 کەس بريندار بوون و 82 کەسيش گيانيان لەدەستداوە
