لەم هەفتەیەوە پێشمەرگە دەگەڕێتەوە کەرکوک

SNN

سەرچاوەیەکی ئەمنی بە میدیا عێراقییەکانی راگەیاند: سەرەتای ئەم هەفتەیە هێزەکانی پێشمەرگە دەگەرێنەوە پارێزگای کەرکوک بەپێی ئەو رێککەوتنە ئەمنییەی لەگەڵ سوپای عێراق کراوە لەو ناوچانە.

سەرچاوەکە ئاماژەی بەوە کردووە، کە هەشت ئەفسەری پێشمەرگە لە لیواکانی 1 و 2، پەیوەندنی بە ژووری هاوبەشی چالاکییەکان دەکەنەوە لە سەربازگەی کەیوان لە کەرکوک لە یەکشەمەی ئەم هەفتەیەوە، هەروەها لە ماوەی 15 رۆژدا سریەیەکی پێشمەرگە دەگەرێتەوە کەرکوک، گەر دۆخەکە بەپێی ئەو پلانە ئەمنییە بوو کە بۆی دارێژرابوو تا ماگی ئاب دوو لیوای پێشمەرگە دەگەرێتەوە پارێزگای کەرکوک و ئەو ناوچانەی کە لە پلانە ئەمنییەکان لەگەڵ هێزی ناوەنی عێراق دیاری کراون.

بەهۆی ئەوەی چالاکی و جموجۆڵی چەکدارانی داعش لە ناوچەکانی باشووری کەرکوک و ناوچە کێشە لەسەرەکان زیادی کردووە و هاریکاری ئەوتۆ کە نێوان هێزەکانی پێشمەرگە و سوپای عێراق نەبوو، لەلایەن ناوەند و هەرێمەوە ژوورێکی سەربازی هاوبەش بۆ کەرکوک و ناوچە دابڕێنراوەکان پێکهێنرا تا بتوانرێت پێکەوە جوڵەی داعش لەو ناوچانە کۆنترۆڵ بکرێت یان کەمبکرێتەوە.