تێچووی پڕۆژەی بەبازاڕکردنی گەنم لە سلێمانی 122 مليۆن دۆلارە
SNN
بە ئامادەبوونی سەرۆکی حکومەت و جێگری سەرۆکی حکومەت بەردی بناغەی بەبازاڕکردنی گەنم لە پارێزگای سلێمانی دابنرێت تێچووی جێبەجێكردنی پڕۆژەکەش 122 ملیۆن دۆلارە.
فەرمانگەی میدیا و زانیاری رایگەیاند: “ئەمڕۆ یەکشەممە 2021/5/23 کاتژمێر 12:00، مەسرور بارزانی، سەرۆکی حکومەتی هەرێمی کوردستان بە ئامادەبوونی قوباد تاڵەبانی جێگری سەرۆکی حکومەت، بەردی بناغەی سایلۆی سلێمانی و پڕۆژەی بە بازاڕکردنی گەنمی جووتیاران لە پارێزگای سلێمانی دادەنێت” .
پڕۆژەکە بریتییە لە دروستکردنی سایلۆیەکی مۆدێرن و عەمبارکردن و بەرھەمھێنانی خۆراک و بە بازاڕکردنی گەنم و دانەوێڵە و دروستکردنی بەرهەمە خۆراکییەکان بە تازەترین تەکنەلۆجیا و بە گوێرەی ستانداردە جیهانییەکان، پڕۆژەکە بە بڕی زیاتر لە 122 ملیۆن دۆلار جێبەجێ دەکرێت.
