پەتایەکی مەترسیداری نوێ لە هیندستان بڵاوبووەتەوە
Dr. Ajoy Kr Mistary takes a nasal swab from Boluram Mondal, a villager, for the coronavirus disease (COVID-19) test during a free medical camp set up to provide healthcare support to villagers, amidst the spread of the disease), at Debipur village in South 24 Parganas district in the eastern West Bengal state, India, May 21, 2021. REUTERS/Rupak De Chowdhuri
SNN
لەکاتێکدا کە ئێستا رەوشی کۆرۆنا لە هەندێک ناوچەی هیندستان کۆنتڕۆڵکراوە، نەخۆشییەکی نوێ بەشێوەیەکی بەربڵاو لە وڵاتەکە دەرکەوتووە کە ئەویش بە “کەڕووی رەش” ناودەبرێت.
کەڕووی رەش کە ناوە زانستییەکەی بریتییە لە mucormycosis، لەناو ئەو کەسانەدا دەرکەوتووە کە پێشتر تووشی ڤایرۆسی کۆرۆنا بوون.
نەخۆشییەکە دەبێتە هۆی گۆڕینی رەنگی چاوەکان و لوت و لاوازبوونی توانای بینین، ئازاری سنگی لەگەڵدایە و تووشبوو هەست بە هەناسەنگی دەکات، لە هەندێک حاڵەتی مەترسیداری ئەو نەخۆشیەدا، پزیشک ناچاربووە چاوێک یان هەردوو چاوی نەخۆشەکە یان بەشێک لە شەویلگەی دەربهێنێت بۆ ئەوەی رێگری لە بڵاوبوونەوەی زیاتری ئەو نەخۆشیە لە جەستەیاندا بکات.
بەشێک لە ویلایەتەکانی هیندستان باری لەناکاویان راگەیاندووە بۆ رێگریکردن لە بڵاوبوونەوەی ئەم نەخۆشییە دەگمەنە کە لەناو تووشبووانی ڤایرۆسی کۆرۆنادا دەردەکەوێت.
ئاماژەش بەوەدەکات ئەو تووشبووانەی کۆرۆنا کە نەخۆشی شەکرەیان لەگەڵدایە ئەگەری تووشبوونیان بە “کەڕووی رەش” زیاترە، بەتایبەت ئەگەر بەرگری جەستەیان لاوازبێت.
پزیشکان پێیان واتە بەکارهێنانی ستیرۆید بۆ چارەسەرکردنی کۆرۆنا یەکێکی دیکە بێت لە هۆکارەکانی دەرکەوتنی ئەم نەخۆشیە.
گوجارات و تێلانگانا دوایین ویلایەتی هیندستانن کە رایانگەیاندووە پەتای کەڕووی رەشیان تێدا بڵاوبووەتەوە، ئەوەش بە رۆژێک دێت لەدوای ویلایەتی راجاستان.
بەرپرسانی ویلایەتی ماهاراشترا وتوویانە کە زیاتر لە دوو هەزار حاڵەتی نەخۆشی کەڕووی رەشیان تۆمارکردووە، بەرپرسانی گوجارات-یش هەزار و 200 حاڵەتی ئەم نەخۆشیەیان هەبووە.
