تەقینەوە لە کارگەیەکی کیمیایی ئێران روویدا
SNN
کارگەیەکی ماددە کیمیاییەکان لە ئیسفەهانی ئێران تەقییەوە و بەهۆیەوە نۆ کەس برینداربوون.
میدیاکانی ئێران بڵاویانکردەوە ئەو کارگەیەی تەقیوەتەوە شوێنی بەرهەمهێنانی ماددەی کیمیایی و یارییە ئاگرییەکان بووە و کەوتووەتە ناوەندی پارێزگای ئیسفەهانەوە.
عەباس عەبدی وتەبێژی بەڕێوەبەرایەتی تەندروستی ئیسفەهان ئاماژەی بەوەداوە، هۆکاری تەقینەوەی کارگەکە کە ناوی ستێفان نەرگۆستار-ە، تا ئێستا ئاشکرا نەبووە و بۆ ئەو مەبەستەش لێکۆڵینەوە دەستیپێکردووە، بریندارەکانیش گواستراونەتەوە بۆ نەخۆشخانە بە مەبەستی وەرگرتنی چارەسەر.
پێشتر چەندین جار تەقینەوە لە کارگە و وێستگە ئەتۆمییەکانی ئێران روویداوە، ئیسرائیل بەرپرسیارێتی بەشێکیانی گرتووەتە ئەستۆ.
