لە پردێ پێنج مووشەک دۆزرایەوە
SNN
شانەی راگەیاندنی ئەمنی عێراق رایگەیاند: لە گوندی حەساری سەر بە ناحیەی پردێ سەر بە پارێزگای کەرکوک، پێنج مووشەک دۆزراونەتەوە کە لەسەر سەکۆکانیان بوون و ئامادەکرابوون بۆ هاویشتنی.
ئاماژەی بەوەشکردووە: مووشەکەکان لەجۆری گراد بوون، لەلایەن پۆلیسی پردێکەوە دەستیانبەسەرداگیراوە، ئەوەش لەسەر بنەمای زانیارییە هەواڵگرییەکانی هێزەکانی دژە تیرۆر لە دبس.
ناوەڕاستی مانگی شوبات هێرشی مووشەکی کرایەسەر ناوچەیەکی نزیک لە فڕۆکەخانەی هەولێر و بەهۆیەوە سەربازێکی ئەمریکی و ژمارەیەک کەسی دیکە برینداربوون.
