بەشیر حەداد ” سەردانی ئەمجارەی شاندی هەرێم بۆ بەغدا پڕ بەرهەم بوو”
شاندی هەرێم لە بەغدا
SNN
بەشیر حەداد جێگری دووەمی سەرۆکی پەرلەمانی عێراق ئەمڕۆ شەممە رایگەیاند: رێککەوتنی نێوان هەرێم و بەغدا بۆ پرۆژەیاسای بودجەی 2021 دەچێتە بواری جێبەجێکردنەوە.
حەداد لە گفتووگۆیەکی لەگەڵ رۆژنامەوانان ئەوەشی ئاشکراکرد: سەردانی چەند رۆژی رابردووی شاندی هەرێم بە سەرۆکایەتی قوباد تاڵەبانی جێگری سەرۆکوەزیران، بۆ دۆزینەوەی شێوازی جێبەجێکردنی رێککەوتننامەکە بوو، وتیشی ” سەردانی ئەمجارەی شاندەکەش ئەنجامی پڕ بەرهەمی دەبێت”.
دەبارەی خەرجکردنی بودجەی 2021ی عێراق حەداد وتی” بەغدا تەنیا پارەی هەرێمی نەناردووە، بەڵکو پارەی سەرجەم پارێزگاکانی عێراقی لە بودجەی نوێدا خەرج نەکردووە و ئەم دواکەوتنەش پەیوەندی بە هەرێمەوە نییە، بەڵکو چەند مادەیەکی پرۆژەیاسای بودجە بوو کە هێشتا قسەی لەسەر مابوو”.
