جوتیار عادل: رێگە نادرێت چیتر خەڵک و هەرێمی کوردستان ببنە قوربانی سسیاسەتی هەڵەی پەکەکە

SNN

وتەبێیژی حکومەتی هەرێم رایگەیاند: “هێرشی پەکەکە بۆ سەر پێشمەرگە بە تۆندی ئیدانە دەکەین و ھێرشکردنە سەر هێزی پێشمەرگە بە ھێرشکردنە سەر تەواوی خەڵکی کوردستان دەزانین”.

جوتیار عادل، وتەبێژی حکومەتی هەرێم رایگەیاند: “سەرلەبەیانی ئەمڕۆ 5/6/2021 و لە ئەنجامی دانانی کەمینێکی پارتی کرێکارانی کوردستان (پەکەکە) لە دەڤەری ئامێدی، پێنج پێشمەرگە شەهید و چەندیش بریندار بوون”.

راشیگەیاندووە: “حکومەتی هەرێمی کوردستان ئەم ھێرشەی پەکەکە بە توندی شەرمەزار دەکات و چیتر خەڵک و هەرێمی کوردستان رێگە نادەن ببنە قوربانی سیاسەتی هەڵەیان و ببنە ھۆکاری زیانگەیاندنی گیانی و ماددی بە ھەرێمەکەمان”.

جوتیار عادل باسی لەوەشکردووە: “لە کاتێکدا ھێرشکردنە سەر هێزی پێشمەرگە بە ھێرشکردنە سەر تەواوی خەڵکی کوردستان دەزانین، هێزی پێشمەرگەی کوردستان بەردەوامە لە پاراستنی هاووڵاتیان و بست بە بستی خاکی هەرێمی کوردستان، و بە ئەرکی خۆی دەزانێت بەرگری لێبکات.”