وەزارەتی کارەبا چۆنيەتی بەرهەمهێنانی کارەبا لە وزەی خۆر تاوتوێدەکات
SNN
وەزارەتی کارەبا رايگەياند: “کارئاسانی بۆ هێنانی کۆمپانيا بيانييەکان دەکەن بۆ جێبەجێکردنی پڕۆژەکانی کارەبا و چۆنيەتی بەرهەمهینانی کارەبا لە وزەی خۆرەوە”.
وەزارەتی کارەبای هەرێم لە راگەيەندراویکدا بڵاويکردەوە: ” محەممەد زیاد نوێنەری حکومەتی ھەرێمی کوردستان لە پۆڵۆنیا، بە مەبەستی تاوتوێکردنی چۆنییەتی ھێنانی کۆمپانیاکانی ئەم وڵاتە بۆ بەرھەمھێنانی کارەبا بە تایبەتی بە وزەی خۆر بۆ ھەرێمی کوردستان سەردانی وەزیری کارەبای کرد”.
راشيگەياندووە: “لە دیدارەکەدا، کەمال محمد ساڵح وەزیری کارەبا ئامادەیی وەزارەتی بۆ کارئاسانی و پاڵپشتی بۆ کۆمپانیاکانی پۆڵۆنیا بۆ جێبەجێکردنی پرۆژەکانی کارەبا لە بەرھەمھێنان و گواستنەوە و دابەشکردن دەربڕيوە”.
