بۆ چەند مەبەستێک کازمی وڵاتانی ئەوروپا بەسەردەکاتەوە

SNN

مستەفا کازمی سەرۆكوەزیرانی عێراق پەیوەندییە دووقۆڵییەكان، دۆسییەكانی سەروەری وڵاتەكەی، هەڵبژاردنە پێشوەختەكە‌و شەڕی تیرۆر، لەگەڵ ئەوروپا تاوتوێ‌ دەكات.

وا بڕیارە سەرۆكوەزیرانی عێراق، بە سەرۆكایەتی شاندێك بەرەو ئەوروپا بەڕێكەوت، وێستگەی یەكەمی كازمی، برۆكسلی پایتەختی بەلجیكا دەبێت ‌و هەر لەوێ‌ چەند دیدارێكی دەبێت ‌و بەتایبەت لەگەڵ چەند كاربەدەستێكی ناتۆ ‌و یەكێتی ئەوروپا كۆ دەبێتەوە.

كازمی لەو گەشتەیدا لەگەڵ وڵاتانی ئەوروپا، پەیوەندییە دوو قۆڵییەكان بەتایبەت پەیوەندییە ئابووری ‌و بازرگانییەكان، پرسی پێشێلكردنی سەروەی عێراق لەلایەن ولاتانی دراوسێوە، هەڵبژارنە پیشوەختەكە‌و شەڕی تیرۆر تاوتوێ‌ دەكات.

(موستەفا كازمی) یەكەم گەشتی بۆ ئەوروپا وەك سەرۆكوەزیران، مانگی (10) ی ساڵی ڕابردوو كرد كە وڵاتەكانی بەریتانیا، فەرەنسا‌و ئەڵمانیای گرتەوە.