روونکردنەوەیەک لە وتەبێژی حکومەتی هەرێمەوە

SNN

وتەبێژی حکومەتی هەرێم رايگەياند: “رەتيدەکەينەوە ئەو فڕۆکانەی هێرشيان کردە سەر ميليشياکان لە فڕۆکەخانەی هەولێرەوە فڕيبن”.

لەم رۆژانەدا یەکێک لە بەرپرسەکانی میلیشای (کتائب سید الشهداء) بەناوی احمد المکصوص بانگەشەی ئەوەی کردبوو کە گوایا ئەو فڕۆکە ئەمەریکییانەی هێرشیان کردە سەر میلیشیاکان، لە فڕۆکەخانەی هەولێرەوە فڕیون، ئێمە ئەم قسانە رەتدەکەینەوە”.

جوتيار عادل وتەبێژی حکومەتی هەرێم لە راگەيەندراوێکدا بڵاويکردەوە: “لەم ڕۆژانەدا یەکێک لە بەرپرسەکانی میلیشای (کتائب سید الشهداء) بەناوی احمد المکصوص بانگەشەی ئەوەی کردبوو کە گوایا ئەو فڕۆکە ئەمەریکییانەی هێرشیان کردە سەر میلیشیاکان، لە فڕۆکەخانەی هەولێرەوە فڕیون”.

راشيگەياند: “ئێمە ئەم قسانە رەتدەکەینەوە چونکە هیچ بنەمایەکیان بۆ نییە، بە پێچەوانەوە ئەو هێرشانەی کراونەتە سەر هەولێر  لەلایەن گرووپە لە یاسادەرچووەکانەوە بووە و ئێستاش ئەم قسانە مانایەکی خراب دەگەینن”.

وتيشی “هەر هێرشێکی تر بکرێتە سەر هەولێر گومان دەکەوێتە سەر ئەو لایەنەی احمد مکصوص و هاوچەشنەکانی نوێنەرایەتی دەکەن چونکە ئەمە رێخۆشکردن و پاساو هێنانەوەی پێش وەختەیە بۆ بەئامانجگرتنی هەولێر”.

رۆژی 28ی ئەم مانگە ئەمریکا لە سنووری نێوان عێراق و سوریا بە فڕۆکەی جۆری F-15 و F-16 هێرشێکی ئاسمانی بۆ سەر گروپە چەکداریەکانی سەربە ئێران ئەنجامدا و ژمارەیەک چەکدار کوژران، دوای هێرشەکە يەکێک لە بەرپرسانی کتائب سید الشهداء رايگەياند: “ئەو فڕۆکانەی هێرشەکەيان ئەنجامدا لە فڕۆکەخانەی هەولێرەوە فڕيون”.