لە کەرکوک شەش چەکداری داعش دەستگيرکرا

SNN

ھێزەکانی ئاژانسی ھەواڵگریی و لێکۆڵینەوەی فیدراڵیی سەربە وەزارەتی ناوخۆی عێراق، شەش چەکداری داعشیان لە پارێزگای کەرکووک دەستگیرکرد.

شانەی راگەیاندنی ئەمنیی سەربە فەرماندەیی ئۆپەراسیۆنە ھاوبەشەکانی عێراق لە راگەیەنراوێکدا ئاماژەی بەوەکرد: “ھێزەکانی ئاژانسی ھەواڵگریی و لێکۆڵینەوەی فیدراڵیی سەربە وەزارەتی ناوخۆی عێراق لە میانی ئۆپەراسیۆنێکدا، شەش تیرۆریستی داعشیان لە پارێزگای کەرکووک دەستگیرکردووە کە چواریان لەلایەن بەڕێوەبەرایەتی ھەواڵگریی و دژەتیرۆری کەرکووک و دووەکەی دیکەیشیان لەلایەن بەڕێوەبەرایەتییەکانی هەواڵگریی دژەتیرۆی نەینەوا و سەڵاحەددین، داواکراوبوون”.

باس لەوەشکراوە: “تیرۆریستە دەستگیرکراوەکان لە میانی لێکۆڵینەوەکاندا دانیان بەوەدا ناوە کە لە ریزەکانی داعشدا، چەکداربوون و پاڵپشتی لۆجستیان بۆ تیرۆریستانی داعش لە پارێزگای کەرکووک دابین دەکرد”.

لە راگەیەنراوەکەدا ئەوەشخراوەتەڕوو: “رێوشوێنی یاسایی بەرامبەر تیرۆریستە دەستگیرکراوەکان گیراونەتەبەر”.