پەروەردەی عێراق لەبارەی دەستپێکردنی خوێندنی ساڵی نوێ روونکردنەوە دەدات
SNN
وتەبێژی وەزارەتی پەروەردەی عێراق رایگەیاند: “تا ئێستا هیچ وادەیەکیان دیاری نەکردووە بۆ دەستپێکردنەوەی ساڵی نوێی خوێندن، دەشڵێت، لەچەند رۆژی داهاتوودا تاقیکردنەوەکانی پۆلی 12ئەنجامدەدەرێت”.
حەیدەر فاروق، وتەبێژی وەزارەتی پەروەردەی عێراق رایگەیاند: “ئەوان وەک وەزارەتی پەروەردە تا ئێستا هیچ وادەیەکیان دیاری نەکردووە بۆ دەستپێکردنەوەی دەوامی ساڵی نوێی خوێندن و ئەو بڕیارەش پەیوەستە بەوەی تا چەند حکومەت دەتوانێت ڤاکسینی دژە کۆرۆنا بەسەر خوێندکاران و مامۆستایاندا دابەشبکات”.
سەبارەت تاقیکردنەوەکانی پۆلی نۆ و پۆلی 12ی ئامادەیی، وتەبێژی وەزارەتی پەروەردە ئاماژەی بەوەدا: “تاقیکردنەوەکانی پۆلی نۆ رۆژی یەکشەمە دەستپێدەکات و تاقیکردنەوەکانی پۆلی 12ی ئامادەیش لە چەند رۆژی داهاتوودا دەستپێدەکات”.
