بنکەیەکی مەشق و راهێنانی هێزی پێشمەرگە لە سلێمانی کرایەوە
SNN
جێگری سەرۆکی هەرێمی کوردستان، لە رێوڕەسمێکدا بنکەیهكی مەشقی تایبەت بە هێزی پێشمەرگەی لە سلێمانی کردەوە کە لە سەر بوودجەی تایبەتیی حکوومەتی ئیتالیا و بە سیستەمێکی سەردەمیانە دروستکراوه.
بەگوێرەی ئەو راگەیەندراوەی کە لە سەرۆکایەتی هەرێمی کوردستانەوە بڵاوکراوەتەوە، له رێوڕهسمهكهدا جەعفەر شێخ مستەفا جێگری سەرۆکی هەرێمی کوردستان سوپاسی پاڵپشتی و هاوكارییه بهردهوامهكانی ئیتالیای بۆ ههرێمی كوردستان کرد و گرنگیی بنکەیەکی سەربازیی تایبەت بە مەشق و راهێنانی پێشمەرگەی بە پێویست زانی وهك هەنگاوێک بۆ بەدامەزراوەییکردنی هێزێکی یەکگرتووی نیشتمانیی کە بە شێوەیەکی ئەکادیمی راهێنانە سەربازییەکانی تێدا ئەنجامبدرێت، بهتایبهت كه مهترسییهكانی داعش لهسهر ناوچهكه بهردهوامه.
لای خۆیانهوه هێزە ئیتالییهكان جیا له بهرزنرخاندنی رۆڵی پێشمهرگه له رووبهڕووبوونهوهی داعش و ئهو مهترسییانهی له ناوچهكهدا ههیه، بهردهوامیی هاوكارییهكانیان بۆ پێشمهرگه و هەماهەنگی و پەرەپێدانی پەیوەندییەکانی وڵاتەکەیان له چوارچێوهی هاوپهیمانیی نێودهوڵهتیی دژی داعشدا بۆ هەرێمی کوردستان دووپات کردهوه.
