سێ سەربازی سوپای عێراق لە مەخمور کوژران

SNN

ئه‌مڕۆ شەممە، چه‌كدارانی داعش هێرشیان كرده‌ سه‌ر یه‌كه‌یه‌كی سوپای عێراق له‌ سنووری قه‌زای “مه‌خموور”ی سه‌ر به‌ پارێزگای نه‌ینه‌وا و له‌ ئاكامدا سێ سه‌رباز كوژران.

هێرشه‌كه‌ كراوه‌ته‌ سه‌ر فیرقه‌ی (14)ی سوپای عێراق و هێزه‌ ئه‌منییه‌كان و ئه‌و یه‌كه‌یه‌ی سوپا رووبه‌ڕووی چه‌كدارانی داعش بوونه‌ته‌وه‌ و له‌ ئاكامی پێكدادانی نێوان هه‌ردوولا سێ سه‌ربازی كوژران و سه‌ربازێكی دیكه‌ بریندار بوو.

به‌ گوێره‌ی زانیارییه‌كان هێرشه‌كه‌ كراوه‌ته‌ سه‌ر بازگه‌یه‌كی پشكنینی سوپای عێراق له‌ گوندی “لاكجه‌”ی سه‌ر به‌ مه‌خموور و چه‌كدارانی داعش توانیویانه‌ له‌ شوێنی رووداوه‌كه‌ به‌ره‌و په‌ناگه‌كانیان رابكه‌نه‌وه‌.