وادەی دابەشکردنی مووچەی وەزارەتی پەروەردە

SNN-عەلی حەمە سەعید
سبەی چوارشەممەش مووچەی وەزارەتی پەروەردە دابەشدەكرێت، هاوكات بەهۆی كەمی سیولە لەبانقەكانی هەرێم پێدەچێت دابەشكردنی مووچەی وەزارەتی پەروەردە ئەمڕۆ و سبەی بەردەوام بێت.

بە گوێرەی ئەو زانیارییانەی كە لەبەرپرسێكی وەزارەتی دارایی بە SNNدراون ئەوەخراوەتەڕوو، وەزارەتی دارایی بەردەوامە لەدابەشكردنی مووچەی مانگی ڕابردووی فەرمانبەران بۆ ئەو مەبەستەش ئەمڕۆ مووچەی وەزارەتی كاروباری شەهیدان و كەسوكاری سەربەرزی شەهیدان و ئەنفالكراوان و مووچەی زیندانییە سیاسییەكان و مووچە هێزی زێرەڤانی و مووچەی هێزی بەرگری فریاكەوتن و مووچەی بەڕێوەبەرایەتی دام و دەزگا نەوتییەكان دابەشدەكرێت.

ئاماژەی بەوەشكرد، سبەی چوار شەممە دەستدەكرێت بەدابەشكردنی مووچەی مامۆستایان و فەرمانبەرانی سەر بە وەزارەتی پەروەردە بۆ مانگی 10.

ئەو بەرپرسەی وەزارەتی دارایی ئەوەشی خستەڕوو، پێدەچێت بەهۆی كەمی سیولە لە بانقەكانی هەریم سبەی و دوو سبەی واتە چوار شەممە و پێنج شەممە تایبەت بكرێت بەدابەشكردنی مووچەی وەزارەتی پەروەردە بەجۆرێك سبەی مووچەی پەروەردەكانی دەرەوەی شارەكان و دوو سبەیش مووچەی پەروەردەی ناو شارەكان دابەشبكرێت بەڵام ئەمە ئەگەرێكی لاوازە پێدەچێت هەر سبەی بەیەك جار مووچەی وەزارەتی پەروەردە دابەشبكرێت.