وادەی سەرژمێری گشتی دانیشتووانی عێراق ئاشکرادەکرێت

SNN

عەبدولزەهرە هنداوی، وتەبێژی وەزارەتی پلاندانانی عێراق لە لێدوانێكی رۆژنامەوانیدا ئەمڕۆ پێجنشەممە رایگەیاند: بە شێوەی ئەزموونی هەندێك تاقیكردنەوە لەسەر سەرژمێری لە بەسرەو هەولێر و كەربەلا كراوە، لە ئێستاشدا لە دهۆك تاقیكردنەوە دەكرێت.

هنداوی، ئەوەشی ڕوونكردوەتەوە ئامانج لە ئەزموونەكان تاقیكردنەوەی توانای هونەری و دیاریكردنی كێشە تەكنیكییەكانە بۆ ساڵی ئایندە پاش ئەوەی ئەنجومەنی وەزیران بڕیاری داوە لە ساڵی 2022 بودجە بۆ پرۆسەكە دیاری بكرێت و وەزارەتیش بۆ ئەم مەبەستە داوای 120 ملیار دیناری كردووە.