یەکێتی لەبارەی وەرگرتنەوەی کورسییەکانی پەرلەمان وەڵامی پارتی دەداتەوە

SNN

وتەبێژی یەکێتی وەڵامی پارتی دەداتەوە و دەڵێت: “بە ئیستحقاقی رەوای یەکێتی ئەو دوو کورسییەمان لە هەولێر و نەینەوا وەرگرتووەتەوە و لەسەر رێکارەکانمان بۆ بەدەستهێنانەوەی سێ کورسی کاندیدەکانی تری هاوپەیمانی کوردستان بەردەوام دەبین”.

ئه‌مین بابا شێخ لە لێدوانێکیدا بۆ میدیای فەرمی یەکێتی و لە وەڵامی راگه‌یاندراوه‌كه‌ی مه‌كته‌بی سیاسی پارتی دیموكراتی كوردستان رایگەیاند: “ئێمه‌ دڵنیاین وه‌رگرتنه‌وه‌ی 2 كورسییه‌كه‌ی پارێزگاكانی هه‌ولێرو نه‌ینه‌وا ئیستحقاقی ره‌وای یه‌كێتی و هاوپه‌یمانی كوردستانه‌، به‌تانه‌و رێكاری یاسایی گه‌ڕاونه‌ته‌وه‌ بۆ خاوه‌نه‌ راسته‌قینه‌كه‌ی، واتا ئه‌م پێشێلكارییه‌ به‌ رێكاری یاسایی راستكراوه‌ته‌وه‌”.

ئاماژەی بەوەکرد: “ئێمه‌ له‌سه‌ر هه‌مان رێكار به‌رده‌وام ده‌بین بۆ به‌ده‌ستهێنانه‌وه‌ی مافی 3 كورسی كاندیده‌كانی تری هاوپه‌یمانی كوردستان له‌ بازنه‌كانی یه‌كی هه‌ولێر و بازنه‌كانی سێ و چواری نه‌ینه‌وا”.

وتیشی: “دڵنیاشین كه‌ به‌ڕێز سه‌رۆك كۆمار پارێزه‌ری ده‌ستوره‌و ئه‌ركه‌كانی به‌ پێی یاساو ده‌ستور جێبه‌جێ ده‌كات و ده‌ستێوه‌ردانی له‌كاروباری كۆمسیۆنی هه‌ڵبژاردن نه‌كردووه‌و نایكات”.