فەرمانبەرانی بەڕێوەبەرایەتی كارەبای سلێمانی بایكۆتی دەوامیان دەستپێكرد

SNN

ئەمڕۆ سێشەممە فەرمانبەرانی بەڕێوەبەرایەتی كارەبای سلێمانی بەهۆی دواكەوتنی مووچەكانیان بایكۆتی دەوامیان كرد و دەستیان لە كاركانیان هەڵگرت.

فەرمانبەرانی بەڕێوەبەرایەتییەكە ئاماژە بۆ ئەوە دەكەن، ئێمە ئاگادارین كە داهاتێكی زۆر هەیە و هەر داهاتی وەزارەتەكەی ئێمە بەشی زۆرێك لە مووچەی وەزارەتەكان دەكات، بەڵام ڕۆژ لەدوای ڕۆژ مووچەكانیان دوادەكەوێت، ئاشكراشیدەكەن جگە لە بەرزبوونەوەی نرخی نەوت، بەهای دۆلاریش بەرزبووەتەوە، بەڵام حكومەتی هەرێم نەیتوانیوە گۆڕانكاری لە شێوازی دابەشكردنی مووچە و پێشكەشكردنی خزمەتگوزارییەكانی بكات.

لە بەدواداچوونێکی پێشتری SNNنا ئەوە ئاشکرا کراوە کە ژمارەیەک لە بەرپرسی پارتی لە وەزارەتی دارایی هەرێم، دەستیان هەیە لە دواخستنی ناردنی مووچە بۆ بانکەکانی سلێمانی تا پارەی تێدا نەمێنێت، بەجۆرێک گەر لە رۆژێکدا وەزارەتی کارەبا مووچەی وەربگرێت لە بانکەکانی هەولێر هەر ئەو رۆژە پارەی بۆ دابین دەکەن، بەڵام رۆژێک یاخود دوان درەنگترە پارە بۆ بانەکانی سلێمانی دەنێرن تا هەمان وەزارەت لە سلێمانیدا درەنگتر مووچە وەربگرێت و مەبەست لەم کارەی پارتی توڕکردنی هاووڵاتیانی سلێمانییە.