نوێترين زانياری لەسەر دۆخی ئەمنی کێڵگەی کۆرمۆر
SNN-عهلى حهمه سهعید
دواى ئهوهى ماوهى چهند ڕۆژێكه هێرشى موشهكى ئهنجام دهدرێت بۆسهر كێڵگهى غازى كۆرمۆر هاوكات دهنگۆى جوڵهپێكردنى هێزى سهربازى عێراقى بۆ ناوچەکە لە ئارادایە، بهڵام بهرپرسانى ئیدارى و ئهمنى له سنورهكه جهخت لهوهدهكهنهوه كه دۆخى ئهمنى كێڵگهكه ئاساییهو بهرههمهێنانى غازیش ئاساییهو سهردانهكهى قوباد تاڵهبانیش هێندهى دیكه دۆخهكهى ئاسایى كردووهتهوه.
بهگوێرهى ئهو زانیارییانهى كه لهبهرپرسانى ئهمنى و ئیدارى له سنوورى قادركهرهم و كێڵگهى غازى كۆرۆمۆ به SNNدراون: دواى ئهوهى دوێنێ بۆ جارى سێیهم هێرشى مووشهكى كرایه سهر كێڵگهى غازى كۆرۆمۆر، لهسهرەتادا جۆرێك له دڵهڕاوكێ لاى كارمهندانى كارگهكه دروستبوو، بهڵام دواتر( قوباد تاڵهبانى) جێگرى سهرۆكى حكومهت و وهزیرى پێشمهر گه وسامانه سروشتیهكان و چهند فهرماندهیهكى ئهمنى سهردانى سنوورهكهیان كرد، دۆخهكه تهواو ئاسایى بووهتهوه.
ئاماژهى بهوهشكرد: خۆشبهختانه لهكۆى ئهو هێرشانهى كراوهته سهر كێڵگهى غازى كۆرۆمۆر تائێستا نهزیانى گیانى ههبووه نه زیانى مادى، بهڵكوو تهنها ترس و دڵهڕاوكێیان دروستكردووه، تائێستا هیچ گرفتیك بۆ كاركردنى كارمهندانى ناو كیڵگهى كۆرۆمۆر و ههروهها بهرههمهێنانى غازى سروشتى و ڕهوانهكردنى بۆ شوێنى مهبهست دروست نهبووه و هاوشێوهى رۆژانى ڕابردوو كاركردن و بهرههمهێنان بهردهوامى ههیه.
بهرپرسانى ئهمنى سنوورهكهش بۆ SNNجهخت لهوهدهكهنهوه تا ئێستا سهرچاوهى هاویشتنى ئهو مووشهكانه بهڕوونى دهرنهكهوتووه بهڵام بهههماههنگى لهگهڵ چهندین لایهنى پهیوهندیدارى ئهمنى لێكۆڵینهوهى پێویست لهو بارهیهوه دهستیان پێكردووه.
