شاره‌وانى سلێمانى خاوه‌نى خانووه زیاده‌ڕۆكان ئاگادار ده‌كاته‌وه
خانووێكى زیاده‌ڕۆ | فۆتۆ: Kurdsat
SNN
سه‌رۆكایه‌تى شاره‌وانى سلێمانى كۆتا واده‌ى بۆ تۆماركردنى خانووه زیاده‌ڕۆكان راگه‌یاند و داوا ده‌كات خاوه‌نى خانووه بێتاپۆكان سه‌ردانیان بكه‌ن.
له به‌یاننامه‌یه‌كدا كه ئه‌مڕۆ یه‌كشه‌ممه 7ى ته‌مموز، بڵاوكراوه‌ته‌وه سه‌رۆكایه‌تى شاره‌وانى سلێمانى رایگه‌یاندووه، “سەرجەم خاوەن خانووە زیادەڕۆکان ئاگاداردەکەنەوە، تاکو رۆژی نۆی مانگی داھاتوو (ئه‌یلول)، مامەڵەی تایبەت بە تۆمارکردنی خانووە زیادەڕۆکان وەردەگیرێت و لە دوای ئەو رێکەوتەوە ھیچ کارێکیان بۆ ناکرێت”.
له به‌شێكى ترى به‌یاننامه‌كه‌ى سه‌رۆكایه‌تى شاره‌وانى سلێمانیدا ئه‌وه‌شروونكراوه‌ته‌وه، “پێویسته هاووڵاتییان پەلەبکەن لە پێشکەشکردنی داواکانیان، بە کاروباری یاسایی پارێزگای سلێمانی، بۆ ئەوەی بە پێی یاسا کاری پێویستیان بۆ بکرێت”.
