“په‌رله‌مان په‌كیبكه‌وێت هاووڵاتى زیان ده‌كات نه‌وه‌ك په‌رله‌مانتار”
خولى پێنجه‌مى ئه‌نجوومه‌نى نوێنه‌رانى عێراق | فۆتۆ: راگه‌یاندنى په‌رله‌مانى عێراق
SNN
ئه‌ندامێكى ئه‌نجوومه‌نى نوێنه‌رانى عێراق رایده‌گه‌یه‌نێت، په‌رله‌مان په‌كیبكه‌وێت هاووڵاتى زیان ده‌كات نه‌وه‌ك په‌رله‌مان، چونكه په‌رله‌مانتار مووچه‌ى خۆى وه‌رده‌گرێت، ده‌شڵێت: “پێویسته چوارچێوه‌ى هه‌ماهه‌نگى به‌ده‌م داواكارییه‌كانى سه‌دره‌وه بچێت”.
ئه‌مڕۆ چوارشه‌ممه 10ى ئاب، ئیخلاس دلێمى، ئه‌ندامى ئه‌نجوومه‌نى نوێنه‌رانى عێراق له فراكسیۆنى پارتى دیموكراتى كوردستان رایگه‌یاند، “پێویستە چوارچێوەی هەماهەنگی بەدەم داواکاریەکانی سەدره‌وه بچێت بۆ پێکهێنانی حکومەتێکی کاتی کە ئامادەکاری بکات بۆ ئەنجامدانی هەڵبژاردن بۆ ئه‌وه‌ى دۆخه له‌وه‌ى ئێستا هه‌یه گرژتر نه‌بێت”.
ئه‌و ئه‌ندامه‌ى ئه‌نجوومه‌نى نوێنه‌رانى عێراق له‌باره‌ى په‌كخستنى په‌رله‌مان له ئێستادا له‌لایه‌ن خۆپیشانده‌رانه‌وه ئه‌وه‌شى وت: “له پەکخستنی پەرلەماندا هاووڵاتی زیان دەکات نەک پەرلەمانتار، چونکە پەرلەمانتار مووچەی خۆی هەر وەردەگرێت و بەردەوامە لە پەیوەندی و کارەکەی خۆی”.
به وته‌ى دلێمى، پێویسته لەلایەنە شیعیەکان کرد بەدەم بانگەوازی بارزانیه‌وه بچن بۆ چارەسەرکردنی دۆخی عێراق”.
