16 بۆ 18ى مانگ پله‌كانى گه‌رما له هه‌رێم ده‌گه‌نه لوتكه
هاووڵاتییه‌ك ئاو به رووخساریدا ده‌كات به‌هۆى به‌رزى پله‌كانى گه‌رماوه | فۆتۆ: هه‌وراز ئه‌حمه‌د / SNN
SNN
شاره‌زایه‌كى كه‌شناسى رایده‌گه‌یه‌نێت، 16 بۆ 18ى مانگ پله‌كانى گه‌رما له هه‌رێم ده‌گه‌نه لوتكه و ده‌شڵێت: “ئه‌م مانگه راده‌ى شێ له هه‌رێم له به‌رزبوونه‌وه‌دایه”.
ئه‌مڕۆ پێنجشه‌ممه ئاراس جەبار، شارەزای كەشناسی رایگەیاند، ” پله‌كانى گه‌رما له‌م چه‌ند رۆژه‌دا بەرێژەی دوو تاوه‌كو چوار پلەی سیلیزی بەرزدەبنەوە”.
وتیشى: “لوتکەی گەرما و به‌رزبوونه‌وه‌ى پله‌كانى گه‌رما دەکەوێتە نێوان 16 بۆ 18ی ئەم مانگە کە لەم ماوەیەدا رادەی شێ بەرزدەبێتەوە و لەھەوادا پەڵە ھەوریش دەردەکەوێت”.
به وته‌ى ئه‌و شاره‌زایه‌ى كه‌شناسى، “بەرزترین پلەی گەرمی لە سەنتەری پارێزگاکانی ھەرێم بەم شێوەیە لەم مەودایەدا بەرز دەبێتەوە، ھەولێر لەنێوان 45 بۆ 46 پلە، سلێمانی 44 بۆ 45 پلە، دھۆک 44 بۆ 45 پلە، کەرکوک 46 بۆ 47 پلە، ھەڵەبجە 45 بۆ 46 پله و لەناوچەکانی سنووری ئیدارەی گەرمیان 49 بۆ 50 پلە دەبێت”.
