کرێکارێکی ڕۆژهەڵاتی لە کاتی کارکردن لە تەوێڵە گیانی لەدەستدا
تەرم
عەلی حەمەسەعید-SNN
وتەبێژی پۆلیسی پارێزگای هەڵەبجە ئاماژە بەوەکات ئێوارەی ئەمڕۆ لە کاتی کارکردن لەشارۆچکەی تەوێڵەی سەربە پارێزگای هەڵەبجە، کرێکارێکی خەڵکی ڕۆژهەڵاتی کوردستان گیانی لەدەستدا و پۆلیسی تەوێڵەش دۆسیەی لێکۆڵینەوەی بۆ ڕووداوەکە کردووەتەوە.
موقەدم بەرزان عوسمان، وتەبێژی پۆلیسی پارێزگای هەڵەبجە بە SNNی ڕاگەیاند: سەرلەئێوارەی ئەمڕۆ ئیوارەی ئەمڕۆ لەشارۆچکەی تەوێڵەی سەربەپارێزگای هەڵەبجە لەکاتی کارکردندا کرێکاریکی کوردی ڕۆژهەڵات گیان لەدەستدەدات.
ئاماژی بەوەشکرد، ئەو کرێکارە ناوی( بەرزان ئەیوب یوسف)ە و تەمەن 39ساڵە لەکاتی کارکردن لەسەرخانوویەک کەوتووەتە خوارەوە و بەسەختی بریندار بووە پاش گەیاندنی بەنەخۆشخانەی فریاکەوتنی هەڵەبجە لەبەر سەختی برینەکەی گیانی لەدەستداوە.
وتەبێژەکەی پۆلیسی پارێزگای هەڵەبجە ئەوەشی خستەڕوو، دۆسیەی لێکۆڵینەوە بۆ ڕوداوەکە ڕێکخراوە لەبنکەی پۆلیسی تەوێڵە، هاوکات تەرمەکەش ڕەوانەی پزیشکی دادی هەڵەبجەکراوە.
