لە سلێمانی 4650 موەلیدە رۆژانە 12 کاتژمێر دوکەڵ و ژەهر دەکەن بە ئاسماندا

SNN

ملکۆ بازیانی، سەرۆکی پارتی سەوزی کوردستان بە تۆری هەواڵی سلێمانی راگەیاند: سێ ملیۆن مۆلیدەی ئەهلی لە عێراقدا کاردەکەن و رۆژانە 12 کاتژمێر ژەهر و دوکەڵ دەکاتەوە ئاسمان، تەنیا لە شاری سلێمانی 4650 موەلیدە لە پارک و کۆڵانەکاندا بوونی هەیە، هەر مۆلییدەیەک چەند هیندەی ئۆتۆمبێلێک دووکەڵی ژەهراوی دەکاتە ئاسمان.

وتیشی “سلێمانی ئەوەی باشە کە رەشەبای بەردەوامی هەیەو دوکەڵ قەتیس نابێت، بەڵام لە هەولێردا دۆخەکە زۆر خراپترە و خەڵک هەیە پەیوەندی پێوەکردم کە شەو لەبەر پیسی هەوا ماڵەکەی خۆیان جێدەهێڵن دەرۆنە دەرەوەی گەڕەکەکەیان، هەروەها موەلیدە ئەهلییەکان یەکێکە لە هۆکارەکانی زۆربوونی نەخۆشییەکانی شێرپەنجە و دڵ، دەبێت حکومەت بەزووترین کات چارەسەری ئەم دۆخە بدۆزێتەوە.”