تەقینەوەیەک لە ئەفغانستان کوژران و برینداربوونی دەیان کەسی لێکەوتەوە

SNN

بەهۆی تەقینەوەیەک لە ناوەندێکی ئەهلی پەروەردەیی لە رۆژئاوای کابولی پایتەختی ئەفغانستان، دەیان کەس بوونە قوربانی.

وەزارەتی ناوخۆی تاڵیبان رایگەیاندووە: لە ئەنجامی تەقینەوەیەک لە ناوەندی خوێندنی ئەهلی کاج لە رۆژئاوای کابول لانیکەم 19 کەس ژیانیان لەدەستداوە و 27 کەسیتریش برینداربوون.

تەقینەوەکە لە کاتی خولێکی بەهێزکردنی خوێندکارانی 12ی ئامادەیی روویداوە و چەند سەرچاوەیەکی خۆجێی ئاماژە بەوە دەکەن ژمارەی کوژراوەکان گەیشتووەتە 32 کەس و 40 کەسیش برینداربوون.

تائێستا هیچ گروپێک تەقینەوەکەی لە ئەستۆ نەگرتووە، بەڵام پێشتریش داعش لە رۆژئاوای کابول چەند کردەوەیەکی لەو چەشنەی ئەنجامداوە.