زانکۆی سەلاحەدین سیستەمی وەرگرتنی قوتابیان بەئەلیکترۆنی دەکات

SNN-

زانکۆی سەلاحەدین رایگەیاند، سیستەمی وەرگرتنی قوتابیانی قۆناغی یەکەم لەکۆڵێژەکان بەئەلیکترۆنی کرا.

ئەمڕۆ هەینی 14ی تشرینی یەکەمی 2022, زانکۆی سەلاحەدین بڵاویکردووەتەوە، لەسەر ڕاسپاردەو بڕیاری پ.ی.د.کامران یونس سەرۆکی زانکۆی سەڵاحەدین هەولێر، سیستەمی وەرگرتنی قوتابیانی قۆناغی یەکەم لەکۆڵێژەکان بەئەلیکترۆنی کرا.

لە راگەیەندراوی زانکۆکەدا هاتووە، وا بڕیارە لەماوەیەکی نزیکدا بەڕێوەبەرایەتی بەدواداچون و سەنتەری ئایتی زانکۆ، ڕێنمایی پێویست سەبارەت بەشێوازی پڕکردنەوەی فۆڕمەکەو لینکی تایبەت بەو بابەتە بۆ قوتابیان بڵاوبکەنەوەو ڕایبگەیەنن.

“مەبەست لەو هەنگاوەی زانکۆی سەلاحەدین، خزمەتکردنی قوتابیانە، لەهەمان کات خۆ گونجاندنە لەگەڵ پێشکەوتنەکانی تەکنەڵۆجیاو هەنگاونان بەئاڕاستەی بەئەلیکترۆنی کردنی دامەزراوەکانی دیکەی زانکۆ” زانکۆی سەلاحەدین وا دەڵێت.