هەژماری دۆناڵد ترەمپ لە تویتەر كرایەوە

SNN

دوای نزیكەی دوو ساڵ لە قەدەغەكردن و داخستنی هەژماری دۆناڵد ترەمپ لە تۆڕی كۆمەلایەتی تویتەر، بە بڕیاری ئیلۆن ماسك، خاوەنی نوێی تویتەر، هەژمارەكەی سەرۆكی پێشووی ئەمریكا كرایەوەو بەبێ ئەوەی ترەمپ هیچ تویتێك بكات، ژمارەی فۆڵۆوەرانی گەیشتە 52 ملیۆن.

بڕیاری كردنەوەی هەژماری ترەمپ لە تویتەر، دوای راپرسییەكەی ئیلۆن ماسك هات كە رۆژی 18ی ئەم مانگە لەژێر ناونیشانی ئایا ئەكاونتی ترەمپ بگەڕێتەوە؟ ئەنجامی دابوو، خاوەنی نوێی تۆڕی كۆمەڵایەتی تویتەر، لە میانی راگەیاندنی ئەنجامی راپرسییەكەدا، ئاماژەی بەوەكردووە كە 52%ی بەكارهێنەرانی تویتەر دەنگیان بە “بەڵێ” داوە.

تویتەر لە 9ی كانوونی دووەمی 2021دا رایگەیاند، بەهۆی هەڵكوتانە سەر كۆنگرێسی ئەمریكا، هەژماری سەرۆكی پێشووی ئەمریكا، دۆناڵد ترەمپ-ی بۆ هەمیشە راگرتووە.