6ى تشرینى دووەم هەڵبژاردنی ئەنجوومەنی پارێزگاکانی عێراق ئەنجام دەدرێت
کارمەندی سەر سندوقی هەڵبژاردن
SNN
راگەیاندنى ئەنجومەنى نوێنەرانى عێراق بڵاویکردەوە؛ لە بەرەبەیانى ئەمڕۆ دوشەممە، دەنگ لەسەر بڕگەیەکى تایبەت و حەوت ماددە لە کۆى 15 ماددەى یاساى هەڵبژاردنى ئەنجومەنى پارێزگاکان دراوە.
لە کۆبونەوەکەدا ئەنجومەنى نوێنەرانى عێراق رۆژى 6ى تشرینى دوەمى ئەمساڵیان وەک وادەیەک بۆ ئەنجامدانى هەڵبژاردنى ئەنجومەنى پارێزگاکان پەسەند کرد.
ئاماژە بۆ ئەوەشکراوە کە دانیشتنەکەى ئەنجومەنى نوێنەرانى عێراق بۆ 25ى ئەم مانگە کە دەکاتە رۆژى شەممە دواخراوە.
کۆتا جار لە ساڵى 2013 هەڵبژاردن بۆ ئەنجومەنى پارێزگاکانى عێراق ئەنجام دراوە و لە ساڵى 2019یش بە بڕیارى ئەنجومەنى نوێنەرانى عێراق کارەکانیان سڕ کرا.
