کەشناسێک وادەی شەپۆلێکی بەهێزی بارانبارینی ئاشکراکرد

SNN

شارەزایەکی بواری کەشناسی رایگەیاندووە، ئەمساڵ شەپۆلێکی بەهێز و بەرفراوانی بارانبارین روو لە هەرێمی کوردستان و دەوروبەری دەکات.

ئەمڕۆ سێشەممە 17ی تشرینی یەکەم، شاڵاو هیدایەت، شارەزا لە کاروباری کەشناسی رایگەیاندووە، دەزگای پێشکەوتووی “جفسی” ئەمەریکی بۆ یەکەمینجاری ئەمساڵ ئاماژەی بە شەپۆلێکی بەهێز و بەرفراوان و سەرتاسەری باران داوە.

ئەوەش خستووەتە ڕوو، ئەو شەپۆلە بەهێزە دەکەوێتە کۆتایەکانی مانگی 10 بۆ سەرەتای مانگی 11 کە تەواوی هەرێم و دەوروبەری دەگرێتەوە.

ئاماژەی بەوەکردووە، ئەو شەپۆلە بەهێزە لە ئەنجامی ئەو چالاکییەی دەریای سور بۆ ناو هەفتەی کۆتایی و بەولاوە دەبێت بۆ سەر ناوچەکە، لەولاشەوە دەریای ناوەڕاست و ڕەش چالاکتر دەبن بەڕووی ناوچەکەدا .

وتوویەتی “ساڵی ئێل نینۆ هەر وا تێناپەڕێت و گورزی خۆی دەوەشێنێ لەڕەخساندنی وەرزێکی سەختی پڕ دابارین بۆ داهاتووی 2023 – 2024 دا”.