کارمەندانی هاتووچۆی سلێمانی بەهۆی دواکەوتنی مووچەوە مانیان گرت

SNN-
بەشیك لە کارمەندانی هاتووچۆ بەهۆی دواکەوتنی دابەشکردنی مووچەوە بایکۆتیان راگەیاند و بەڕێوەبەری هاتووچۆی سلێمانیش دەڵێت: پاڵپشت و هاوکاریانم و ئەوان داوای مافی خۆیان دەکەن.

ئاسۆ محەمەد، بەڕێوەبەری هاتووچۆی سلێمانی بە SNNی راگەیاند، لە ئەمڕۆوە بەشێک لە کارمەندانمان نەهاتوونەتە سەر کارەکانیان و بەشێکی دیکەشیان لە شوێنی خۆیان مانیانگرتووە و کار ناکەن، منیش وەک بەڕێوەبەری هاتووچۆی سلێمانی پاڵپشتیان دەبم، چونکە ئەوان داوای مافی خۆیان دەکەن ، خەڵک و هاوڕێ و ئەفسەرەکانی خۆم پێ گەورەترە لە مووچەکەم و پلەکەم و هەمووشتێک، لەبەرئەوە هەر پشتیوانی خەڵک دەبم و پێموایە خەڵک لەسەر حەقە.

وتیشی: ئەو هاووڵاتییانەی لە دەرەوەن مافی خۆیانە کارەکانیان رایی بکرێت، ئەو کارمەندانەی لێرەش بایکۆتیان کردووە مافی خۆیانە مووچەکانیان لە کاتی خۆیدا وەربگرن.