کەشناسی: ئەمڕۆ و سبەینێ بارانبارین بەردەوام دەبێت و پلەکانی گەرماش نزم دەبنەوە

SNN-
کەشناسی هەرێمی کوردستان رایگەیاند: ئەمڕۆ و سبەینێ بارانبارین بەردەوام دەبێت و بەفرێکی کەمیش لە ناوچە شاخاوییەکان دەبارێت.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردەوە کە ئەمڕۆ پێنجشەممە 21ی ئازاری2024،ئاسمان هەورى تەواو دەبێت ,لەناوچە شاخاوییەکان نمە باران دەبارێت , لەکاتەکانی ئێوارە بۆ ماوەیەکی کەم ئەگەری گۆرینی بۆ شێوەی تاوە باران و بروسکە هەیە لە شارەکانی هەولێر و دهوک و دەوروبەری.

هەروەها سبەی هەینی 22- 03- 2024، ئاسمان هەورى تەواو دەبێت لەکاتەکانی بەرەبەیان دابارین بەشێوەی نمەباران دەستپێدەکات سەرەتا لەناوچەکانی رۆژئاوای هەرێم پاشان کاریگەری درێژ دەبێتەوە بۆ تەواوی ناوچەکاندا و بەفرێکی کەم لەناوچە شاخاوییە سنوورییەکان دەبارێت ، لەکاتەکانی دوایی نیوەڕۆ شێوەی دابارینەکە بۆ تاوە باران بروسکە دەگۆڕێت بەجۆرێک هەندی کات بۆماوەیەکی کەم پێشبینی لێزمە بارانیش دەکرێت، لەسەنتەری شاری هەولێر و دەوربەری وە هەروەها لەناوچەکانی گەرمیاندا و پلەکانی گەرماش (3- 4 )پلە نزم دەبنەوە.

بەرزترین پلەکانی گەرمای پێشبینیکراو بە پلەی سیلیزی

هەولێر : 13
سلێمانی : 11
دهۆک : 10
زاخۆ : 11
هەڵەبجە : 14
کەرکوک : 15
سۆران : 8
حاجی ئۆمەران : 2
گەرمیان : 16