چوارچێوەی هەماهەنگی:پشتیوانی لە دادگای فیدڕاڵی و سەرۆکەکەی دەکەین

SNN-

چوارچێوەى هەماهەنگی پشتگیریی خۆی بۆ بڕیارەکانی دادگای فیدراڵی دووپاتکردوە و دەشڵێت: داواکارین سەرجەم لایەنەکان پابەندى بڕیارەکانى دادگاکە بن”.

چوارچێوەى هەماهەنگى کۆبووەوە و دوا کۆبوونەوەکەش لە راگەیەندراوێکدا بڵاویکردەوە کە جەخت لە گرنگیى پابەندبوون بە جیاکردنەوەى دەسەڵاتەکان دەکەینەوە، نابێت هیچ دەسەڵاتێک زیادەڕەوى بکاتە سەر دەسەڵاتێکى دیکە و ئەمەش لە پێناو هاوسەنگى دەستووری، بە مەبەستى پاراستنى دەستوور لە دەرکردنى بڕیار، جێبەجێکردن و چاودێرى.

لە راگەیەندراوەکەیدا چوارچێوەی هەماهەنگی ئاماژەی بەوەشکردووە، بە ڕێز و پێزانینەوە لە کارەکانى دادگاى باڵاى فیدراڵى و سەرۆکەکەى، دادوەر جاسم عومەیر دەڕوانین و داواش دەکەین هەمووان ڕێز لە بڕیارەکانى دادگا بگرن و لە گرنگییەکەى کەم نەکەنەوە.

دەشڵێت:” پێویستە سەرجەم لایەنەکانى چوارچێوەى هەماهەنگى پابەندى بڕیارەکانى دادگاى فیدڕاڵى بن ئەگەر لەبەرژەوەندیشیان نەبووبێت، ئەمەش لەچوارچێوەى پابەندبوونە بە ڕێزگرتن لە دەسەڵاتى دادوەرى و دەستوورى عێراق”.

ئەو راگەیەندراوە لە کاتێکدایە کە شەوى ڕابردوو دادگاى فیدراڵى ڕاگەیەندراوێکی بڵاوکردەوە و ڕایگەیاند، ڕێکارى یاسایی دژى ئەو کەس و لایەنانە دەگرنەبەر کە هێرشى ناڕەواى جۆراوجۆر دەکەنە سەر دادگاکەیان.