بهیاننامهیهكى تووند له حكومهتى ههرێمهوه: چوار كارمهند شههید بوون
ههنووكه | فۆتۆ: SNN
SNN
وتهبێژى حكومهتى ههرێمى كوردستان بهیاننامهیهكى لهبارهى هێرشهكهى سهر كێڵگهى غازى كۆرمۆر بڵاوكردهوه و رایگهیاند، بەداخەوە تا ئێستا چوار کارمەندی یەمەنی شەهیدبوون، جگە لەوەش زیانێکی زۆر بەر کێڵگەکە کەوتووە، دهشڵێت: “ئەم هێرشە دوبارانە پێویستە رابگیرێن”.
پێشهوا ههورامانى، وتهبێژى حكومهتى ههرێمى كوردستان ئهمشهو ههینى 26ى نیسان، له راگهیهنراوێكدا رایگهیاند، “لەماوەی رابردوو هەوڵی باش دراوە بۆ باشتر کردنی کەرتی وزە و ژێرخانی ئابووری لە عێراق و بە تایبەتی لە هەرێمی کوردستان، لە کاتێکدا کە هەنگاوەکان بۆ چارەسەرکردنی کێشەکان خێرا دەکرێن، دەستی خراپەکاری و تێکدەرانە جارێکی دیکە لە کردەوەیەکی تیرۆریستیدا کێڵگەی غازی کۆرمۆرییان کردە ئامانج کە بەداخەوە تا ئێستا چوار کارمەندی یەمەنی شەهیدبوون، جگە لەوەش زیانێکی زۆر بەر کێڵگەکە کەوتووە و کە ئەم زیانەش کاریگەری دەبێت لەسەر کەمبوونەوەی کارەبا بە شێوەیەکی بەرچاو”.
وتیشى: “ئەم هێرشە دوبارانە پێویستە رابگیرێن و داوای هەماهەنگی و هاوکاری بەپەلە دەکەین لە دەزگا پەیوەندیدارەکانی حکومەتی فیدراڵ بۆ ئەوەی ئەنجامدەرانی ئەم کارە تیرۆریستییە بدۆزرێنەوە و رادەستی یاسا بکرێن و رێگری یەکجاری بکرێت لە دووبارەبوونەوەی ئەم کارانە”.
