یەکێتی لەبارەی هەڵبژاردنەوە کۆدەبێتەوە
یەکێتیی نیشتمانیی کوردستان
SNN-
مەکتەبی سیاسی یەکێتی بە سەرپەرشتی بافڵ جەلال تاڵەبانی کۆدەبێتەوە و دواهەڵوێستی خۆی لەسەر ئەگەری دواخستنی هەڵبژاردنی پەرلەمانی کوردستان ڕادەگەیەنێت.
میدیای یەکێتی بڵاویکردەوە، بڕیارە ئەمڕۆ چوارشەممە کۆبوونەوەکە بە سەرپەرشتی بافڵ تاڵەبانی سەرۆکی یەکێتی بەڕێوەدەچێت و ئامانجیش لێی خستنەڕووی هەڵوێستی حزبەکەیە بەرامبەر ئەو هەوڵانەی بۆ دواخستنی هەڵبژاردن دەدرێن.
بڕیارە ڕۆژی 10ی حوزەیرانی داهاتوو هەڵبژاردنی پەرلەمانی کوردستان بەڕێوەبچێت، بەڵام بەهۆی بەشدارینەکردنی پارتی دیموکراتی کوردستان لە پرۆسەکەدا، باس لە ئەگەری دواخستنی دەکرێت.
