پۆلیسی دارستان هەشت کەسیان بە تۆمەتی راوە ماسی دەستگیرکردووە
SNN
بنکەی پۆلیسی دارستانی شۆڕش هەشت کەسیان بە تۆمەتی راوە ماسی دەستگیرکردووە، هاوکات پۆلیسی دارستان و ژینگەی دەربەندیخان بۆ پاراستنی سەرچاوەکانی ئاوی ئاژەڵە کێوییەکان، هەستاون بە پاککردنەوەی سەرچاوە ئاوییەکان.
ئەمڕۆ یەکشەممە 2ی حوزەیران، کارمەندانی بەشی پۆلیسی دارستان و ژینگەی دەربەندیخان لە سۆنگەی خەمخۆریان بۆ ئاژەڵ و باڵندە کێوییەکان هەستان بە پاککردنەوەی ئەو گۆم و سەرچاوە ئاوییانەی کە بۆ ئاژەڵ و باڵندە کێوییەکان لە چیای بەرانان دروستکراون.
پۆلیسی دارستان و ژینگەی سلێمانی لەگەڵ بڵاوكردنەوەی وێنەكان دەڵێت، “پیشە و ئەرکی هەموو ساڵێکیانە”.
لە هەڵمەتێکی تری پۆلیسی دارستاندا، بنکەی پۆلیسی دارستانی شۆڕش لە چەمی باسەڕە، هەشت هاووڵاتییان بە تۆمەتی ڕاوی ماسی دەستگیر کردووە.
ئاماژەیان بەوەکردووە، جگە لە دەستگیرکردنی راوچییەکان هاوکات دەستگیراوە بەسەر حەوت قوڵاپی ڕاوکردن و تۆڕێک و ژمارەیەك ماسی ڕاوکراو .
