ئەندام پەرلەمانێکی پێشووی هەرێم هۆکاری دواخستنی تەوتینی مووچەخۆرانی ئاشکراکرد

SNN

ئەندامێکی پێشووی پەرلەمانی کوردستان رایدەگەیەنێت، حکومەتی هەرێم بە ئەنقەست تەوتینی مووچەخۆران دوادەخات، تاکو لە رێگەی بانکەکانی خۆیانەوە “هەژماری من” تەوتین بکەن.

دابان محەمەد، ئەندام پەرلەمانی پێشووی کوردستان لە لێدوانێکدا بۆ ماڵپەڕی بەغداد یەوم ئاشکرایکردووە، پرۆسەی جێبەجێکردنی تەوتینی مووچەخۆرانی هەرێم خاوە و ئەمەش پێچەوانەی بڕیاری دادگای فیدراڵی و وەزارەتی دارایی عێراقە.

ئاماژەی بەوەکردووە، ئامانج لە دواخستنی تەوتین بۆ ئەوەیە حکومەتی هەرێم کاتی زیاتری بۆ بگەڕێتەوە و تاکو بتوانێت لە بانکەکانی خۆی تەوتین بکات.

ئەو ئەندامەی پێشووی پەرلەمانی کوردستان دەڵێت “ئەگەر رێوشوێنەکانی تەوتینی مووچەخۆرانی هەرێم بەو جۆرەی کە ئێستا هەیە خاوبێت، ئەوا تا کۆتایی ساڵ تەوتین تەواو نابێت و مووچەخۆران ناچارن بە شێوەی دەستی نەک ئەلەکترۆنی مووچەکانیان وەربگرن”.