وادەی ناردنی مووچەی مانگی حەوت ئاشکراکرا، وردبینی تەواوبوو

SNN

وردبینی لە لیستی مووچەی مانگی تەمووزدا كراوە و گرفت لە لیستی مووچەی فەرمانبەران و هێزە تەناهییەكان نەبووە و لەم هەفتەیدا پارەی تەرخانكراو بۆ مووچە دەنێرێت.

ئەمڕۆ یەكشەممە، سەرچاوەیەكی باڵا لە وەزارەتی دارایی عێراق راگەیاند، زانیاریمان هەیە وردبینی لە لیستی مووچەی مانگی تەمووز تەواو بووە و هیچ گرفتێك لە لیستی مووچەی فەرمانبەران و هێزە ئەمنیەکان نەبووە، بۆیە چاوەڕوان دەكرێت لەم هەفتەیەدا پارەی تەرخانكراو بۆ مووچەی مانگی تەمووزی فەرمانبەران و هێزە ئەمنییەکان بنێرێت.

باسی لەوەش كرد، پێشتر كە گرفتێك لە لیستی مووچە هەبووایە، ناردنی پارەی ئەو دامەزراوە و وەزارەتە رادەگیرا، بەڵام بۆ مووچەی مانگی تەمووز مووچەی تەواوی مووچەخۆران پێكەوە دەنێرێت.