لە سلێمانی كەسێك لەسەر سوتانی پوش و پاوان و داری سروشتی دەستگیركرا
SNN
لە سلێمانی لەسەر بڕینەوەی داری دارستانەكان و سوتانی چەندین دۆنم پوش و پاوان و داری سروشتی كەسێك دەستگیركرا و فەرمانی دەستگیركردنیش بۆ كەسێكی دیكە دەرچوو.
ئەمڕۆ پێنجشەممە 15ی ئاب، بەڕێوەبەرایەتی پۆلیسی دارستانی سلێمانی بڵاویكردەوە، لە سنوری گوندی ( گەڕەدێ )ی ناحیەی سیتەك ژمارەیەك داری سروشتی بڕاونەتەوە و بە فەرمانی دادوەر سەرجەم دارەكان لەلایەن مەفرەزیەكی پۆلیسی دارستانی سیتەكەوە گوازراونەتەوە و فەرمانی دەستگیركردنیش بۆ هاووڵاتیەك دەرچوو.
ئاماژەی بەوەشداوە، هاووڵاتیەكی دیكەش بە تۆمەتی سوتانی نزیكەی دوو دۆنم پوش و پاوان و داری سروشتی دەستگیركرا و لێكۆڵینەوەش لەسەر هۆكارەكەی بەردەوامە.
