دادگاى فیدراڵى داواكه‌ى راكان جبورى و حه‌سه‌ن تۆرانى ره‌تكرده‌وه‌

SNN
دادگاى فیدراڵى عێراق به‌ نووسراوێكى فه‌رمى كه‌ به‌روارى 18ى ئاب و واژووى دادوه‌ر جاسم محه‌مه‌د عه‌بود، سه‌رۆكى دادگاى فیدراڵى له‌سه‌ره‌ ئه‌و سكاڵایه‌ى ره‌تكرده‌وه‌ كه‌ تانه‌ى له‌ یاسایی بوونى پرۆسه‌ى هه‌ڵبژاردنى سه‌رۆكى ئه‌نجوومه‌نى پارێزگاى كه‌ركوك و پارێزگارى كه‌ركوك ده‌دا.

سكاڵاكه‌ له‌لایه‌ن راكان جبورى، پارێزگارى پێشووى كه‌ركوك به‌ وه‌كاله‌ت و حه‌سه‌ن تۆران، سه‌رۆكى به‌ره‌ى توركانى و سه‌وسه‌ن عه‌بدولواحید، ئه‌ندامى ئه‌نجوومه‌نى پارێزگاى كه‌ركوك تۆماركرابوو و تانه‌ى له‌ یاسایی بوونى هه‌ڵبژاردنى 10ى ئابى 2024 ده‌دا كه‌ تێیدا رێبوار ته‌ها، به‌ پارێزگارى كه‌ركوك و محه‌مه‌د حافز به‌ سه‌رۆكى ئه‌نجوومه‌نى پارێزگاى كه‌ركوك هه‌ڵبژێردران. داوایان كردبوو ئه‌و بڕیارانه‌ى له‌و كۆبوونه‌وه‌یه‌دا دراون رابگیرێن.

دادگای فیدراڵی 18ی ئاب وردبینی بۆ هەردوو داواكارییەكە كردووە و رەتیكردۆتەوە، بە هۆی ئەوەی هیچ سیفەتێكی پەلە و پێویستیی تێدا نییە، تا كاتی یەكلاییكردنەوەی سكاڵاكان بڕیاری دیكە دەربكەن.

رۆژى 10ی ئەم مانگه‌ له‌ هۆتێل ره‌شیدى به‌غدا به‌ سه‌رۆكایه‌تى په‌روین فاتیح، به‌ته‌مه‌نترین ئه‌ندامى ئاماده‌بوونى ئه‌نجوومه‌نى پارێزگارى كه‌ركوك و بە ئامادەبونی 9 ئەندام لە یەكێتیی، بەشێكی عەرەب و كۆتای كریستیان سەرۆكی ئەنجوومەن و پارێزگار هەڵبژێردران.