دەستەی ژینگە: دەبێت لافیتە و نوسینەکان لەسەر قوماش و کاغەز بن نەک فلێکس و نایلۆن

SNN-

دەستەی پاراستنی ژینگە بۆ هەڵمەتی بانگەشەی هەڵبژاردنی پەرلەمانی کوردستان، چەند ڕێنماییەک ئاڕاستەی کۆمیسیۆن لایەنەکانی بەشدار لە هەڵبژاردن دەکات و دەڵێت: پاركە گشتیەكان و باخچەی كۆڵانەكان نەكرێن بە شوێنی بانگەشە و لافیتەو نوسینەكان لەسەر قوماش و كاغەزبن، نەك لەسەر فلێكس و نایلۆن”.

دەستەی پاراستن و چاككردنی ژینگە، لە نوسراوێكدا كە ئاڕاستەی كۆمیسیۆنی باڵای سەربەخۆی هەڵبژاردنەكانی كردووە، داوایكردووە تاك و لایەنە سیاسیەكان لەكاتی هەڵمەتی هەڵبژاردندا، پابەندی رێنماییەكانی پاراستنی ژینگە بن.

دەستەکە دەشڵێت:” لافیتە و نوسینەكان لەسەر قوماش و كاغەزبن، نەك لەسەر فلێكس و نایلۆن، هەروەها پۆستەرەكان بە (تێپ) جێگیربكرێن، نەك بەسیكۆتین، بزماریش بەكارنەهێرێت بۆ جێگركردنیان لەسەر درەختەكان و بەلافیتە دانەپۆشرێن.

لە رێنماییەکانی دەستەی ژینگەدا هاتووە کە دەبێت پاركە گشتیەكان و باخچەی ناو گەڕەكەكان بەكارنەهێنرێت بۆ بانگەشەی هەڵبژاردن.