کۆمەڵێک خۆبەخش ناوچەی شەمێرانیان لە خۆڵ و خاشاک پاککردەوە

SNN

رێکخراوی سروشتی کوردستان و ڕێکخراوی پارێزەرانی ئاو لە کارێکى هاوبەشدا و بە بەشداریی قوتابخانەی بیردۆز و گرووپی پاسکیلسواری و تیمی غەواسی دەربەندیخان و چەند خۆبەخشێک، ناوچەی شەمێرانیان لە پیسی و خۆڵ و خاشاک پاککردەوە.

رێکخراوی سروشتی کوردستان و رێکخراوی پارێزەرانی ئاو لە کارێکى هاوبەشدا و بەبەشدارى قوتابخانەى بیردۆز، گروپی پاسکیلسواری و تیمی غەواسی دەربەندیخان و نزیکەی (50)خۆبەخش لە دەربەندیخان و سلێمانى و عەربەت، هەڵسان بەئەنجامدانى هەڵمەتى پاککردنەوەى ناوچەی شەمێران لەنزیک بەنداوی دەربەندیخان.

ئاماژە بەوەکراوە، لە هەڵمەتەکەدا نزیکەی (150)کیسە و گوێنی زبڵ و خاشاک کۆکرایەوە و ژینگەی ناوچەکە لەپاشماوەى پلاستیکى و پیسییەکان پاککرایەوە.

ئەوەخراوەتە ڕوو، ئامانجی هەڵمەتەکە لابردنی پلاستیک و پاشماوەی ڕەقە کە ئەو ناوچەیەی داپۆشیوە، بۆ ئەوەی ژینگەیەکی پاکتر بۆ مرۆڤ و ماسی و باڵندە و مێروو و گیانلەبەرە کێوییەکانی تر دەستەبەربکەن و هۆشیاری بڵاوبکەنەوە.