شارەزایەکی کەشناسی: ئەمڕۆ لە سلێمانی و هەڵەبجە و گەرمیان باران دەبارێت
بارانبارین له سلێمانى | فۆتۆ: SNN
SNN
شارەزایەکی کەشناسی رایدەگەیەنێت، هەوری کەڵەکەبووی بە باران و هەورە بروسکە لە ناوچەکانی ناوەڕاستی عێراقەوە دێن و بەرەو گەرمیان و کەرکوک و سلێمانی هەڵەبجە دێت و لەو ناوچانە باران دەبارێت.
ئەمڕۆ هەینی 1ی تشرینی دووەم، سالار حاجی، شارەزای بواری کەشناسی رایگەیاندووە، لە ئێستادا بڕێکی باش هەوری کەڵەکەی بەباران و هەورەبروسکه لە ناوچەکانی ناوەڕاستی عێراقەوە بەرەو گەرمیان و کەرکوک و بەشێکی پارێزگاکانی سلێمانی و هەڵەبجە لە جوڵەدایە.
ئاماژەی بەوەکردووە، ئێستا لە سنورەکانی باشوور و خۆرهەڵاتی گەرمیان و ناوەڕاستی عێراق باران و هەورەبروسکەیەی ناوبەناو و لێرەو لەوێیە، ئەمڕۆ هەینی لەبەشێکی گەرمیان و پارێزگای سلێمانی و هەڵەبجە بڕێک باران ببارێت لەماوەیەکی کورتدا و کەشێکی تاڕادەیەک ساردیش ناوچەکە بگرێتەوە، هاوکات هەندێک کاتیش خێرایی با بۆ ئاستی مامناوەند بەرزببێتەوە.
کەشناسی هەرێمیش رایگەیاندووە، ئەمڕۆ هەینی ئاسمان نیمچە هەور بۆ هەوری تەواو دەبێت , ئەگەری بارینی کەمێک نمە باران هەیە لە ناوچە شاخاوییەکان و ناوچەکانی سنووری پارێزگای سێمانی .
سەبارەت بە کەشی سبەینێ شەممە ئاشکرایکردووە، ئاسمان هەوری تەواو دەبێت نمە باران و بارانی مامناوەند لە کات و ناوچەی جیاجیا دەبارێت، لە کاتەکانی ئێوارەدا ڕێژەی دابارین کەمێک زیاتر دەبێت بە تایبەت لە سنووری پارێزگای سلێمانی، لە شەودا کاریگەری ئەو شەپۆلە زیاد دەکات و باران بارین تەواوی ناوچەکانی هەرێمی کوردستان دەگرێتەوە، پلەکانی گەرماش بەراورد بە ئەمڕۆ یەک تا دوو پلە نزمدەبێتەوە.
