ئەمڕۆ لوتکەی ساڵانە COP29 تایبەت بە کەشوهەوا دەستیپێکرد
Mandatory Credit: Photo by IGOR KOVALENKO/EPA-EFE/Shutterstock (14888178s) Participants arrive to attend the UN Climate Change Conference COP29 in Baku, Azerbaijan, 10 November 2024. The Azerbaijani capital of Baku will host the 2024 United Nations Climate Change Conference (COP29) from 11 to 22 November 2024. UN Climate Change Conference COP29 to kick off in Baku, Azerbaijan - 10 Nov 2024
SNN
ئەمڕۆ لوتکەی ساڵانەی نەتەوە یەکگرتووەکان COP29 تایبەت بە کەشوهەوا لە باکۆ، بە ئامادەبوونی چەندین کەسایەتی سیاسی و رێکخراوە ژینگەیی و مەدەنییەکان دەستیپێکرد.
کۆنفرانسی گۆڕانی کەشوهەوای نەتەوە یەکگرتووەکان، COP29، ئەمڕۆ دووشەممە لە باکۆی پایتەختی ئازەربایجان دەستیپێکرد، ئەمەش دوای ساڵێک لە ڕێککەوتنێکی مێژوویی بۆ گواستنەوەی دوور لە خەڵوز، نەوت و گاز تێپەڕی.
چین کە یەکێکە لە پێشەنگەکانی جیهان لە دەردانی گازی گەرمخانەیی، تا ئێستا فشارەکان سودیان نەبووە و سەرپێچی کردووە بۆ دانانی ئامانجی گەورەی کەشوهەوا، و زیاتر بۆ یارمەتیدانی گەلانی هەژار بۆ ڕووبەڕووبوونەوەی وێرانکارییەکانی جیهانێکی گەرمکەرەوە.
شارەزایان دەڵێن لە دانوستانەکانی ئەمساڵدا، هەر پابەندبوونێک لەلایەن چینەوە، هەروەها ئەمریکا، دەتوانێت وڵاتانی دیکەش ڕازی بکات کە ئامانجی بەهێزی کەشوهەوا دابنێن.
هاوکات، دانوستانەکان کە تەنها چەند ڕۆژێک دوای سەرکەوتنی دۆناڵد ترەمپ لە هەڵبژاردنی سەرۆکایەتی ئەمریکا دەستیپێکرد، لە کاتێکدایە کە زەوی دەچێتە قۆناغێکەوە بۆ ئەوەی بەرگەی گەرمترین ساڵی خۆی بگرێت کە تۆمارکراوە بۆ دووەم ساڵ لەسەریەک.
بەگوێرەی واشنتن پۆست، جۆ بایدن سەرۆکی ئەمریکا پلانی نییە بەشداریی کۆنفرانسەکە بکات لە باکۆ، جگە لە جۆو زۆرێک لە سەرکردەکانی دیکەی جیهان بەنیازن دەستبەرداری لوتکەی ئەمساڵ بن.
لەلایەکی ترەوە، ئەمریکا شاندێکی بە سەرۆکایەتی جۆن دی پۆدێستا، ڕاوێژکاری باڵای سەرۆک کۆمار بۆ سیاسەتی نێودەوڵەتی کەشوهەوا ناردووە، بەڵام چاوەڕوان ناکرێت سەرۆکی هەڵبژێردراو دۆناڵد ترەمپ بەشداری بکات.
