وێنە.. ورچەکەی باڵەکایەتی دوای کوژرانی مۆمیاکرا
وێنەی ئەو ورچەی لە باڵەکایەتی کوژرا
SNN
ئەو ورچەی لە ناوچەی باڵەکایەتی کوژرا و ناوی “ورچەکەی باڵەکایەتی” لێنرا، بە مۆمیا کراوی دەرکەوتەوە و لە فێستیڤاڵی پایزەی ناوچەکە نمایشکرا.
ئەمڕۆ هەینی 15ی تشرینی دووەم، دووەم رۆژی فێستیڤاڵی پایزە لە باڵەکایەتی بەڕێوەدەچێت کە تیایدا چەندین چالاکوان و گرووپی شاخەوانی بەشدارییان تێدا کردووە، لەو فێستیڤاڵەدا ورچەکەی باڵەکایەتی بە مۆمیاکراوی نمایشکرا.
ئەو ورچە چەند بەچکەیەکی هەبووە و چەند جارێک پێش کوژرانی لەناوچەکە بینراوە، بەڵام دوای ماوەیەک بە کوژراوی دۆزرایەوە و رێکخراوانی تایبەت بە پاراستنی ئاژەڵە کێوییەکان لە کوردستان داوای سزادانی بکوژەکانی ورچەکەیان کردبوو.
ئەو ورچە بە تاکە ورچی ناوچەکە دادەنرا، هەر بۆەی دوای کوژرانی گواسترایەوە و تەرمەکەی مۆمیاکرا بۆ ئەوەی بۆ هەمیشە بمێنێتەوە.
ورچەکەی باڵەکایەتی بە مۆمیاکراوی
