ئەو کەسەی کەڵە کێویەکەی راوکرد دەستگیر کرا

SNN

هاووڵاتییەک بە سوود وەرگرتن لە قەدەغەی هاتوچۆ، لە یەمە رۆژی قەدەغەکەدا لە چیای بەرانان کەڵەکێویەکی راوکردووە، لە دووەم رۆژی قەدەغەکەدا دەستگیرکراوە.

بەڕێوەبەرایەتی دەستەی ژینگەی سلێمانی رایگەیاندووە، هەرچەندە بەهۆی بار و دۆخی سەرژمێریەوە بڕیاربوو تەواوی هاووڵاتیان لە ماڵەکانیان بمێننەوە، بەڵام هاووڵاتیەک بەوپەڕی هەستنەکردن بە بەرپرسیارێتی ڕووی لە چیای بەرانان کردووە و کەڵەکێویەکی راوکردووە.

ئاماژەبەوەکراوە، ئەگەرچی ناوچەکە شاخاویە و دۆزینەوەی تۆمەتبار ئاسان نیە، بەڵام خۆشبەختانە دوای ماوەیەکی زۆر لەگەڕان و پشکنین لەچەند لایەکەوە، توانرا لەلایەن مەفرەزە هاوبەشەکانی بەشی پۆلیسی دارستانی دەربەندیخان و بنکەی باوەخۆشێن  هاووڵاتیەک بە تۆمەتی ڕاوکردنی کەڵە کێویەکە دەستگیر بکەن.

ئەوەشخراوەتە ڕوو، لە ئێستادا ئەم ڕاوچیە دەستگیر کراوە و دوای کردنەوەی پەڕاوی  لێکۆڵینەوە رادەستی دادوەر دەکرێت و ڕێکاری یاسایی  بەرامبەر دەگیرێتەبەر.